Resolution

Christian Must Grow Hebrew 5:11-6:2

Ging-Sou: Hipv^lu 5: 11-13 “Yie mbuo corc maaih waac camv nyei gorngv zoux sai mienh nyei jauv mv baac aqc duqv gorngv mengh weic zuqc meih mbuo nyei m'normh maiv zaangh waac. 12 Taux ih zanc meih mbuo zungv horpc zuqc zoux fin-saeng, mv baac meih mbuo corc qiemx zuqc mienh aengx njaaux da'yietv kang Tin-Hungh nyei doz. Meih mbuo corc qiemx zuqc hopv nyorx nyei, maiv haih nyanc hnaangx. 13 Haaix dauh oix zuqc hopv nyorx, wuov dauh corc zoux gu'nguaaz, maiv mengh baeqc zoux horpc nyei jauv. 14 Hnaangx se weic domh mienh nyanc, dongh hoqc linc liuz ziouc hiuv duqv haaix nyungc se longx nyei, haaix nyungc se waaic nyei, wuov deix mienh.”

Hipv^lu 6:1-2 “Hnangv naaic, mbuo oix zuqc jiex da'yietv kang Giduc nyei doz-leiz aengx hungx jienv wuov ndaangc mingh taux ei sienx nyei jauv benx domh mienh. Maiv dungx aengx paan-pei liepc nzunc gorn-ndoqv, dongh oix zuqc goiv hnyouv guangc maiv lamh longc nyei sic sienx Tin-Hungh. 2 Maiv dungx paan-pei njaaux jiex wuom nyei leiz, caux longc buoz maan mienh nyei leiz, caux mienh daic mingh aengx nangh daaih nyei jauv, caux zuqc Tin-Hungh siemv dingc zuiz weic yietc liuz wuov nyungc jauv.”  

Biux Mengh Waac: Mbuo laanh laanh mienh cuotv seix benx gu’nguaaz yiem naaiv norm baamh gen. Gu’nguaaz cuotv seix daaih jiex gorn, yietc hnoi hlo deix, yietc hnoi hlo deix, hnoi jiex hnoi, hnyaangx jiex hnyaangx benx fu’jueiv, aengx benx dorn benx sieqv, benx domh mienh. Pouh tong nyei jauv nor, haaix dauh mienh muoz maaih gu’nguaaz-faix, mbuo leih doic hnyaangx baav maiv duqv buatc, mbuo haaix zanc buangh zuqc buatc hlo nzengc mi’aqv. Fih hnangv nyei, Tin-Hungh yaac oix buatc mbuo sienx ninh nyei mienh yietc hnoi hlo deix, yietc hnoi deix, hlo jienv faaux taux mbuo nyei lingh wuonh benx domh mienh. Hnangv naaiv-zuangx nor hlo, benx ndiaangx.

I. Mbuo Qiemx Zuqc Hlo Yiem Cong-Mengh Nyei Jauv   1. Mbuo qiemx zuqc hiuv camv faaux. Yietc nyungc jauv dongh mbuo maiv haih dingc nyei jauv se yiem mbuo kauv hoqc nyei jauv (Fi^lipv^poi 1:9; Ko^lo^si 1:10; 2 Bide 1:5).

2. Mbuo qiemx hlo yiem zoux kuv sic nyei jauv gauh camv 2. Mbuo qiemx hlo yiem zoux kuv sic nyei jauv gauh camv. “ Weic naaiv meih mbuo oix zuqc longc nzengc hnyouv bun meih mbuo nyei sienx fim jaa zoux kuv sic. Zoux kuv sic yaac oix zuqc jaa hiuv duqv Tin-Hungh. 6 Hiuv duqv Tin-Hungh yaac oix zuqc jaa haih gunv duqv ganh. Haih gunv duqv ganh yaac oix zuqc jaa maaih noic diev. Maaih noic diev yaac oix zuqc jaa gan longx Tin-Hungh. 7 Gan longx Tin-Hungh yaac oix zuqc jaa hnamv sienx Yesu nyei gorx-youz. Hnamv sienx Yesu nyei gorx-youz yaac oix zuqc jaa hnamv zuangx mienh. 8 Se gorngv meih mbuo maaih naaiv deix zoux longx nyei sic yaac jaa maaih camv jienv faaux, ziouc bun meih mbuo cuotv banh zeic, maaih lamh longc, yaac gauh hiuv duqv mbuo nyei Ziouv Yesu Giduc. 9 Mv baac haaix dauh maiv maaih naaiv deix zoux longx nyei sic nor, wuov dauh se m'zing mbuov, mangc maiv duqv go, yaac la'kuqv ninh zinh ndaangc zoux nyei zuiz duqv nzaaux nzengc mi'aqv.” (2 Bide 1:5-9).

3. Mbuo qiemx zuqc hiuv duqv haih longc duqv horpc mbuo nyei ziangh hoc. ” Hnangv naaic, meih mbuo yiem seix zaangc oix zuqc faix fim meih mbuo hnangv haaix nor yiem. Maiv dungx hnangv mienh hngongx mienh, oix zuqc hnangv cong-mengh nyei mienh wuov nor. 16 Oix zuqc longc duqv horpc ziangh hoc, weic zuqc ih zanc nyei nyutc zeiv se orqv haic. 17 Maiv dungx zoux mienh hngongx mienh. Oix zuqc mengh baeqc Ziouv nyei za'eix hnangv haaix nor. 18 Maiv dungx hopv diuv nquin. Diuv se bun mienh zoux waaic sic. Daaux nzuonx oix zuqc bun Singx Lingh yiem buangv hnyouv.” (E^fe^so 5:15-18).

II. Mbuo Qiemx Zuqc Hlo Yiem Jiu Tong Doic Nyei Jauv   1. Mbuo qiemx zoux longx bun mbuo nyei doic. “ Daaux nzuonx, laanh oix zuqc zoux longx bun laanh, laanh korv-lienh laanh, yaac oix zuqc guangc laanh zoux dorngc laanh nyei sic hnangv Tin-Hungh longc Giduc guangc meih mbuo nyei zuiz wuov nor.” (E^fe^so 4:32)

2. Mbuo qiemx zuqc caux mienh zoux doic 2. Mbuo qiemx zuqc caux mienh zoux doic. “Maaih a'nziaauc doic zoux hnangv benx loz-gaeng doic, mv baac maaih dauh loz-gaeng doic, beiv ganh nyei cien muoz-doic, ninh zungv gauh nitv mbuo.” (Cong-Mengh Waac 18:24).   3. Mbuo qiemx zuqc guangc mienh nyei zuiz Tin-Hungh yaac guangc mbuo nyei zuiz. 14 "Se gorngv mienh dorngc meih mbuo, meih mbuo yaac guangc bun ninh mbuo nor, meih mbuo nyei tin-dorngh Diex yaac guangc meih mbuo nyei zuiz. 15 Mv baac mienh dorngc meih mbuo, meih mbuo yaac maiv guangc nor, meih mbuo nyei Zaangc Diex yaac maiv guangc meih mbuo nyei zuiz.” (Matv^taai 6:14-15).

III. Mbuo Qiemx Zuqc Hlo Yiem Mbuo Nyei Lingh Wuonh   1. Mbuo qiemx hlo yiem mbuo nyei lingh wuonh nyei jauv. “Hnangv naaic, mbuo oix zuqc jiex da'yietv kang Giduc nyei doz-leiz aengx hungx jienv wuov ndaangc mingh taux ei sienx nyei jauv benx domh mienh. Maiv dungx aengx paan-pei liepc nzunc gorn-ndoqv, dongh oix zuqc goiv hnyouv guangc maiv lamh longc nyei sic sienx Tin-Hungh.” (Hipv^lu 6:1).

2. Mbuo qiemx zuqc hiuv duqv mbuo nyei Njoux Ziouv Yesu camv faaux 2. Mbuo qiemx zuqc hiuv duqv mbuo nyei Njoux Ziouv Yesu camv faaux. “Oix zuqc yietc zei hiuv duqv mbuo nyei Njoux Ziouv Yesu Giduc caux ninh nyei en ceix camv jienv faaux. Mbuo ih zanc oix zuqc ceng ninh yaac yietc liuz ceng taux maanc gouv maanc doic. 2 Bide 3:18). 3. Mbuo qiemx zuqc hiuv duqv ngorc Tin-Hungh nyei waac. “Meih mbuo oix zuqc hnangv coqv hoqc cuotv seix nyei gu'nguaaz oix hopv nyorx nor, zanc-zanc oix hopv yungz lingh wuonh nyei cing-nzengc nyorx. Meih mbuo ziouc haih hlo daaih duqv njoux.” (1 Bide 2

Setv Mueiz Waac: Bide njaaux mbuo oix zuqc hnangv haaix zoux, “Weic naaiv meih mbuo oix zuqc longc nzengc hnyouv bun meih mbuo nyei sienx fim jaa zoux kuv sic. Zoux kuv sic yaac oix zuqc jaa hiuv duqv Tin-Hungh. 6 Hiuv duqv Tin-Hungh yaac oix zuqc jaa haih gunv duqv ganh. Haih gunv duqv ganh yaac oix zuqc jaa maaih noic diev. Maaih noic diev yaac oix zuqc jaa gan longx Tin-Hungh. 7 Gan longx Tin-Hungh yaac oix zuqc jaa hnamv sienx Yesu nyei gorx-youz. Hnamv sienx Yesu nyei gorx-youz yaac oix zuqc jaa hnamv zuangx mienh. (2 Bide 1:5-7).